Devera valahîya ewlehîyê ya navbera Herêma Kurdistanê û Îraqê ji bo Herêma Kurdistanê bûye çavkanîyeke berdewam ya arêşeyan ji ber ku cîhê hejmareke komên çekdar yên cuda-cuda ye ku her yek ji wan girêdayî tevgerek û kesatîyeke dîyarkirî ye.
Tevaya çavkanîyên serbazî û ewlehîyê tekîd dikin ku, ji nav axa Îraqê êrîşî Zevîya Kormorê ya Gazê hatîye kirin. Göman jî ber bi wî arasteyî ve ne ku, ew koma ew êrîş kiribû feyde ji valahîya ewlehîyê ya navbera Herêma Kurdistanê û Îraqê wergirtîye, xazima ji navbera Selahedîn û Dîyalayê ji ber ku ew dirona li roja 26 ê vê mehê êrîşî Zevîya Kormorê ya Gazê kiribû ji alîyê başûrê wê zevîyê ve hatîye avêtin, yanî ji devera valahîya ewlehîyê.
Li dû zanyaran, çend komên çekdar ku girêdayî Haşd Şebî ne û mûçe û çekan ji wê werdigirin li devera valahîya ewlehîyê ya navbera Herêma Kurdistanê û Îraqê serdest in, wekî Ketîbeyên Bedir bi serkirdetîya cîgirê serokê desteya Heşd Şebî Hadî Amirî, Ketîbeyên Seyîdûşşûheda, Ketîbeyên Esaîb Ehlûlheq yên Qyes Xezelî, tevî Heşd tirkmênî ku xwe wekî pareke Heşd Şebî dibîne û li deverên tirkmênan wekî Amirlîyê, pareke Dûzê û jêrîya Kerkûkê çalak in, hin caran jî Ketîbeyên Seraya Selam tên jêrîya Kerkûkê û deverên Dîyalayê, herwesa li deverên çîyayê Hemrînî û deverên rojavayê Dîyalayê şaneyên DAIŞ ê jî hene û navber gurzan diweşînin.
Tevî ku li sala 2017 ê biryara çêkirina Lîwaya 20 ê ya Hevpar di navbera pêşmergeyan û artêşa Îraqê de ji bo pirkirina wan valahîyên ewlehîyê hatibû dan yên ku di navbera Herêma Kurdistanê û Îraqê de hene.
Di Lîwaya 20 ê de cîhê nêzîkî sê hezar pêşmergeyan hatîye kirin lê hökömeta Îraqê heta niha rê nedaye ku mûçe ji bo Lîwaya 20 ê ya hevpar bên terxankirin û dest bi karê xwe bikin ji bo ku devera valahîya ewlehîyê kontirol bikin û ew gef bidawî bên yên ku li wê deverê li ser Herêma Kurdistanê û Îraqê tên çêkirin.
