Qewatên Sûrîyaêye Dêmokratîk hazirin dijî qewatên T’irk’îyaê ber xwe bidin, eger Enqere şêr’ dijî wan destpêke. Derheqa wê yekêda gênêral Me’zlûm K’obanî gotîye. “ K’enarê ç’emê Firatî r’ohiltê û E’frîn mînanî hev nînin. Li vir nikarin wê yekê biwek’lînin, çi ku li E’frînê qewimî.Emê îzina vê yekê nedin”,-fermandar gotîye. “ Me hindava E’frînêda qirara stratêgî qebûl kiribû û me nexwest şer’k’arîyê bidine berfirekirinê”,- ewî gotîye. Bi gotina K’obanî, seroketîya qewatên Sûrîyaêye Dêmokratîk gotîye koalîsîona navnet’ewî,wekî ewê li ber her êrîşeke t’irka ber xwe bidin.Ewî gotîye,wekî şer’ê wî cûr’eyî Sûrîyaê duem pêşda bîne û wê h’etanî wî çaxî berdewam bike, h’etanî ku T’irk’îya dûrnek’eve.Wî çaxî jî qewatên Sûrîyaêye Dêmokratîk wê şer’k’arîya dijî DAÎŞ-ê bidine sekinandinê û xwe ji T’irk’îyaê bip’arêzin.
