Endama parlamênta T’irk’îyayêye ji partîya Dêmokrasîya Gela Tyûlayî K’atîmog’ûllarîyê gotîye wekî seroketîya dewletê, ya ku hert’im dibêje ku li T’irk’îyayê miletek heye, dînek heye û zimanek heye, niha r’astkirin kirine nava pr’ojeya serk’arîkirina provînsîya T’ûncêlîyê, ya hejmara 2884-a, ya 25-ê k’anûna sala 1935-a.Nava encamê wê yekêda navê Dêrsimê hate guhar’tinê û kirine T’ûncêl.Anegorî h’esabên r’esmî, nava qet’ilkirinên bi massayîda li Dêrsimê 13 16O meriv hatine kuştinê, lê 11 818 meriv jî cî û warên xwe hiştine, çûne. Feqet anegorî kanîyên înformasîyone cî, nêzîkî 7O h’ezar merivî hatine kuştinê, nava wanda usa jî jin û zar’ok.Binelîyên Dêrsimê usa jî pê neh’esîyan ku zar’ok çawa bûn.Parlamêntvanê usa jî daye dîyarkirnê,wekî 83 sal derbaz bûne û seroketîya fermî gerekê wan qet’ilkirina naske. Bi gotina wê gerekê komîsîya mexsûs bê sazkirinê bona ku r’astîyê bînine ber ç’e’va.
