T’irk’îya dîsa ç’e’vê xwe li ser wê yekê digre, ku çawa mihacir ji welatên Asîya Navîn, bi t’aybetî ji Afg’anistanê û Îranê, sînor dit’er’ibînin û derbaz dibin, lê bi wê yekêva t’evayî îzina k’urda nade ku ariş-vêrişê bikin. Leşkerên t’irka h’emû k’urda jî didine ber gula, yên ku dicêr’ibînin sînor derbazbin. Gelek bûyarên wî cûr’eyî qewimîne, wextê k’îjana ewana ji Îranê cêr’ibndine derbazî provînsîya Çaldiranêbin.Wextê wan derbazbûna, gelek meriv birîndar bûne, yan jî hatine kuştinê. Me’lûmetî belav bûne,wekî nêzîkî sed mihacirî r’ûê niqobûna gemîyêye li ser gola Wanê, bê ser-beret’e unda bûne. Bi t’exmîn, ew gemî li Alt’insaçê niqoyî bin avê bûye. Ger’a wan meriva berdewam dibe.
