Tirkîya bi fermî ji peymana Stembolêye navnetewî derket ya ku bona îzinnedayîna zordarîya hindava jinadaye. Derheqa wê yekêda ajansa Roytêrsê ragîhanlîye.
Serokê Tirkîyayê Recêb Tayîb Êrdogan 19-ê adarê emirnivîsara xweda dabû dîyarkirinê, wekî welatê wî ji peymana Şêwira Avropayêye bi navê peymana Stembolê derdikeve. Piştî axaftinên bi meha ku Tirkîya gerekê hindava vê peymanêda çi cûreyîbe û komên îslamîstî jî dijî peymanê derdiketin û digotin wekî ev peyman qîmetîyên malbeta tirkî diteribîne û propaganda homosêksûalîzmê dike, ev gav hate avîtinê.
Ev gava Êrdogan protêstokirina bi hezara meriva pêşda anî. Derketina Enqerêye ji vê peymanê ji alîyê civaka navnetewîda, nava wanda Ştatên Amêrîkayêye Yekbûyî û Yektîya Avropayê, rexne kirin.
Zordarîyên hindava jina û kuştinên wanda li Tirkîyayê pirsgirêkên mezin pêşda tînin û prêssa her dem derheqa wê yekêda dinivîse.
