Ji roja tragêdîya Şengalê îdî hevt sal derbaz bûne, lê encamên wê hê têne kifşê, çimkî li wir qewilên anegor nehatine sazkirinê û piranya êzdîya hê venegerîyane li nehîyên xwe.
Komkujîya êzdîyaye li Şengalê, piştî wê yekê derbaz bû, dema ku komên DAÎŞ-îy têrorîstî Mûsil dagir kirin, wextê ku eskerê Îraqê şerkarî da sekinandinê.Koma DAÎŞ-ê êzdî çawa «bêbawar» nav kir, bona ku qetilkirinên li Şengalê bide afûkirinê.
Hatîye dîyarkirinê, wekî ji 55O OOO êzdîyên Îraqê, piştî êrîşa DAÎŞ-ê, 36O OOO hatine cîguhastinê. Nava rojên ewlinda 1293 êzdî carekêra hatine kuştinê.
Nenihêrî wê yekê,wekî li hev hatîye DAÎŞ-ê ji Şengalê bidine derxistinê, bi hezara êzdî dîsa ditirsin vegerine nehîyên xwe.
