Paşînyanê serokwezîr bi têlefonê tevî sêkrêtarê ŞAY Êntonî Blînkên qise kirîye

Nîkol Paşînyanê serokwezîr bi têlefonê tevî sêkrêtarê Ştatên Amêrîkayêye Yekbûyî, Êntonî Blînkên qise kirîye.

Xeberdan derheqa pêwandîyên ermenîya-amêrîkîya û çareserkirina berdewama dîyaloga stratêcîda çûye. Serokwezîr bona piştgirîya ji alîyê Ştatên Yekbûyîda, ya bona werguhastinên dêmokratîk, razalixî elam kirîye.

Nîkol Paşînyan û Êntonî Blîkên derheqa pêvajoyên li Qafqasîya Başûr, halê dora Qerebagê û sertbûna halda xeberdane.

Alîya ew yek jî girîng hesab kirîye, wekî pêwîste ku pirsgirêka Qerebagê nava dorana koma Mînskêda bê helkirinê, bona ku qewînbûn û aşîtî li herêmê bêne çareserkirinê.

Fikir derheqa dîyarkirina sînorên di navbera Ermenîstanê û Adirbêcanêda, mecalên vekirina rêyên li herêmê û usa jî dîyaloga di navbera Ermenîstanê û Tirkîyayêda, hatine pevguhartinê.

Derheqa pirsên  halê li Ûkraînayê jî xeberdan çûye.