SerekeSîyasî

Pisporên sîyasî: divê DEM Partî vegere hêla neteweyî

Partîya Gelan ya Wekhevî û Dêmokrasîyê (Dem Partî), di hilbijartinên 31 ê adarê de 3 jê bajarên mezin, li 10 bajar, 65 navçe û 10 bajarokan, bi giştî 85 şaredarî bi dest xistin. Ji ber ku 8 sal bûn şaredarîyên vê partîyê bi qeyûman dihatin rêvebirin, hiqûqnasên li Dîyarbekirê hem vê hegera tayînkirina qeyûman hem jî helwesta lijneya bilind ya hilbijartinan bi vî awayî nirxand:

Hiqûqnas Sîdkî Zîlan ji K24ê re got: “Tirkîya 70 sal in ku li bendê ye bibe namzedê Yekîtîya Avropayê û hinek sazîyên beynel mînel jî hene. Ango hiqûqa navneteweyî jî hiqûqa xwezayî jî hiqûqa îlahî jî û hiqûqa Tirkîyayê jî vê cawaz nabîne. Ev tiştên ku 8 sal in dikin, bêhiqûqî ye. Ew jî dizanin ku bêhiqûqî ye. Ji 2 mehan carekê pêvajoya qeyûman ya xebatê dirêj dikirin û bi vî awayî 8 salan derbas kirin. Ev dibe îstîsmar û nayê qebûlkirin. Dadgehên Tirkîyayê jî û dadgeha mafên mirovan ya Avropayê jî ösa dibêje.”

Şaredarên serkeftî yên Dem Partîyê, di  projeyên xwe de li ser çand, ziman û pêşvebirina herêmê bangeşî dikirin. Li gorî pisporên sîyasî jî divê projeyên Dem Partîyê ji yên hilbijartinên sala 2019 a cudatir û bikêrtir bin ku bikaribin daxwazên welatîyan pêşwazî bikin.

Pisporê sîyasî Ahmet Kanî dibêje: “Rexneyên gelek tund li Dem Partîyê hatibûn kirin. Hatibû gotin ku divîyabû Dem Partî xwedî li dengên xwe derkeve, çi karê wê bi CHP û AK Partîyê heye. Li ser vê rexneyê bi rastî jî helwesta Dem Partîyê guherî û di hilbijartina herêmî de veguherî ber bi hela neteweyî ve. Di vî warî de ez dikarim bêjim ku heger Dem Partî xebatên xwe yên neteweyî xurt bike û di projeyên xwe yên vê serdemê de xizmeta zimanê kurdî derxe pêş, dê bi ser bikeve”.

Piranîya namzedên Dem Partîyê îdî li şaredarîyên xwe li ser kar in û dest bi xebatên lezgîn dikin. Pisporên sîyasî û hiqûqnas jî amaje dikin ku divê di xizmeta herêmî de sîyaset neyê kirin da ku xetereya tayînkirina qeyûman car din çênebe.

Zêdetir nîşan bide
Herwiha kontr’ol bike
Close
Back to top button