H’emû nûçeSereke

Serokê parlamênta Ermenîstanê derheqa pêwîstîya paşdavegerandina dîlên ermenîye leşkerîda raberî serokê Organîzeya Hevkarî û Ewlehkarîya Avropayê kirîye

Serokê parlamênta Ermenîstanê Alên Sîmonyan 13 ê gulanê serokê Organîzeya Hevkarî û Ewlehkarîya Avropayê, wezîrê Maltayêyî karên der Yên Borc qebûl kirîye.

“Armênprêss” ê ragîhandîye,wekî wextê hevdîtinê, Alên Sîmonyan daye dîyarkirinê ku Ermenîstan amadeye piştgirîyê bide cedandinên bona qewînbûn û aşîtîya li zona cabdarîya organîzeyê.

“Ermenîstanê rojeva aşîtîyê daye pêşîya xwe.Ez hêvîdarim, wekî nava çarçoveya serokatîya wêda Hûnê herêma Kafkasîya Başûr navenda guhdarîyêda xweykin û hûnê piştgitrîyê bidine pêvajoya îzbatbûna aşîtîya di navbera Ermenîstanê û Adirbêcanê”,- serokê parlamêntê gotîye.

Serokê parlamêntê pêvajoya hevraxeberdanên Ermenîstanê û Adirbêcanê raber kirîye û derheqa pêwîstîya paşdahatina dîlên ermenîda xeberdaye, yên ku li Adirbêcanê bi neqanûnî tên xweykirinê.Yên Borc gotîye, wekî nava çarçoveya organîzeyêda ew amadeye piştgirîyê bide pêvajoya aşîtîya Ermenîstanê û  Adirbêcanê.

Pirsên derheqa hevkarîya Ermenîstanê û Organîzeya Hevkarî û Ewlehkarîya Avropayê, pêvandîyên Ermenîstanê û Maltayê, pêvajoya hevraxeberdanên Ermenîstanê û Adirbêcanê hatine gotûbêjkirinê.

Zêdetir nîşan bide
Back to top button