Li nahîya Qerehencîrê ya Kerkûkê di şerê navbera çekdarên DAIŞ ê û hêzên asayîşa Herêma Kurdistanê de DAIŞ yek hat kuştin.
Herwiha endamekî asayîşê di şer de canê xwe ji dest da.
Hat ragîhandin ku 2 çekdarên DAIŞ ê li nehîya Qerehencîrê ya Kerkûkê êrişî markêtekê kirîye.
Piştî êrişê çekdarên DAIŞ ê xwe li nav dibistanekê vedişêrin.
Hêzên asayîşa Herêma Kurdistanê çûn cîhê bûyerê û di navbera çekdarên DAIŞ ê û hêzên asayîşê de şer derket.
Birêveberê nehîya Qerehencîrê Avêsta Mihemed li ser mijarê ji Rûdawê re axivî û got:
“2 çekdarên DAIŞ ê êrişî sûpêrmarketekê kirine û piştre xwe li nav dibistanekê vedişêrin.
Piştî ku hêzên asayîşê gihîştin cîhê bûyerê, çekdarên DAIŞ ê bi hêzên asayîşê re pev çûne.
Çekdarek hate kuştin û çekdarê din jî birîndar bûye”.
Avêsta Mihemed ragihand: “Di pevçûnê de endamekî asayîşê şehîd ketîye û 2 endamên asayîşê jî birîndar bûne”.
