Spêrsyan xwendikarê akademîya klûba fûtbolê ya Krasnodarêye. Nava 185 lîstikan de bi forma reş-kesk, Spêrsyan 102 çalakîyên bi bandor (58 gol + 44 asist) lîstîye û bûye golkarê herî baş di dîroka klûbê de. Di sêzona 2024/25 a de, wek kapîtan, Edvard “ga” ber bi şêmpîyonîya yekem ya dîroka klûbê ve birîye. Û di sêzona 2025/26 a de, ew bi 29 qala (13+16) bûye  pasvanê baş bi bandor yê RPL (16 asist) û di pergala çêtir “gol + asist” de.

Malpera fêdêrasîyona futbolê ya cîhanê (FIFA) li ser malpera xwe ya fermî raportek li ser Dênîz Undav belav kirîye.

FIFA yê di raportê de gotîye:

“Undav yedekekî super e.Ewî tiştek ji Almanîyayê re aniye ku di kupayên cîhanê yên sala 2018 a û 2022 a de nebû û di qonaxa yekem de hatine derxistin.

Niha pirsa hemûyan ew e, gelo Undav wê wana neçar bike ku di maça sêyem de wek lîstikvanê sereke bilîze yan Nagêlsman wê ewî her li ser kursîyê yêdekan dayne”.

FIFA yê destnîşan kirîye ku gelek sedem hene ji bo ku Undav hêjayî pêkhateya sereke be û li pey çûye:

“Avîtina 3 gola ya di 2 maçên kupaya cîhanê de û avîtina 9 gola ya di 11 maçan de ji bo Almanîyayê beşek ji wan sedeman in lê sedemeke bihêz jî heye ji bo ku dîsa wekî yedek dest pê bike.

Nagêlsman her tim tekez dike ku wî “roleke diyarkirî” ji bo hemû lîstikvanên xwe danîye.

Undav jî gelekî baş di rola yedekê bibandor de cîh girtîye”.

“Kurê dê û bavekî kurd e”

Malpera FIFA yê dîyar kirîye: “Undav kurê dayîk û bavekî kurd e” û ev agahî dane:

“Sêzona borî di 46 maçên fermî de ji bo Stuttgartê 25 gol avîtin û 14 asîst kirin.

Destkeftîya wî ya here mezin ya bi wê tîmê re, birina kupaya Almanîyayê ya sala 2025 a bûye”.

Fêdêrasîyona futbolê ya cîhanê anîye ziman:

“Dibe ku hîn dem mabe ji bo ku Undav ahenga serkeftinê di şêmpîyoniyeke mezintir de bigerîne.

Ew 19 ê tîrmehê ku tam roja maça fînalê ya kupaya cîhanê ye dibe 30 salî.

Çi diyarî ji wê baştir dibe ku navê xwe li stadyuma New York New Jerseyê ji devê alîgirên Almanîyayê bibihîse?”

Bûye lîstikvanê vebijêrk ê alîgiran

Undav di demeke kurt de bûye lîstikvanê vebijêrk ê alîgirên Almanîyayê, tam wek Lukas Podolski.

Di hevpeyvînan de her tim eşkere, aram û rastgo ye.

Ew xwe û futbolê gelekî cidî û giran wernagire. Tenê dixwaze biçe nav qadê, bilîze û golan biavêje.

Undav di kupaya cîhanê de 2 maç wek lîstikvanê yedek lîstine, di wan du maçan de 2 gol avîtine û 2 asîst kirine.

Niha yek ji stêrkên here diyar yên kupaya cîhanê ye.

Boksîyorê efsanewî yê amêrîkî li yek ji xwaringehên Yêrêvanê bûye.

Mayk Tayson ê 59 salî  sala 2005 a  dawî li karîyêra xwe ya profêsyonel anîye. Di rînga profêsîyonal de, amêrîkî 59 şereda 50  qezanc kirîye û 7 cara jî têk çûye.

Li gorî ragîhandina “Armenpress” ê, derqeqa wê yekêda wezîreta Komara Ermenîstanêye parastinê ve hatîye ragîhandin û hatîye gotin ku di vê çarçoveyê de, Ermenîstan wê ji bo heftêkê bibe navenda cîhanî ya sportên leşkerî.

Li gorî raportê, şanda wezîreta Ermenîstanêye parastinê  beşdarî civîna giştî û kongra konsêya navneteweyî ya sportê ya leşkerî bûye ku li Monakoyê hatîye lidarxistin. Konsêya navneteweyî ya sportê ya leşkerî piştî komîtêya navneteweyî ya Olîmpîyadê, ku 142 welatên endam tê de hene, rêxistina pirsportî ya here mezin ya cîhanê ye.

Tê destnîşankirin ku sala 2019 a de konfêransa avropî ya konsêya sportên leşkerî ya navneteweyî  sala 2024 a de jî çêmpîyonata gulaşa leşkerî ya cîhanê li Ermenîstanê hatine lidarxistin.

Peymana têkildar bi fermî bi serokê  konsêya sportên leşkerî ya navneteweyî ê re hatîye îmzekirin da ku mafê mazûvanîya civîna giştî û kongra konsêya sportê ya leşkerî ya navneteweyî ya sala 2027 a bide Ermenîstanê.

Li gorî vê yekê, sala 2027 a de, Ermenîstan wê mazûvanîya şandên bi serokatîya serokên werzîş û perwerdehîya laşî yên hêzên çekdar yên 142 welatên cîhanê bike.

Li gorî ragîhandina “Armenpress” ê, derheqa wê yekêda sêrvîsa çapemenîyê ya fêdêrasîyona Ermenistanêye giranîbilindkirinê   ragîhandîye.

Tîma Ermenîstanêye mêrayê giranîbilindkirinê ji bo sala duyemîn ya li pey hev di pêşbirka tîmê ya çêmpîyonîya Avropayê de serketî ye.

Tîma jinan di pêşbirka tîmê de di rêza sêemîn de ye.

Varazdat Lalayan, Emma Poxosyan û Garîk Karapêtyan  zêmpîyonata Avropayê de ji tîma Ermenîstanê mêdala zêrîn, Garnîk Zolakyan, Alêksandra Grîgoryan, Gor Sahakyan û Ara Axanyan mêdala zîv. Martîn Poxosyan madala bronz. Anna Amroyan di werz û jerkê de madala zêrîn û Lîana Gyurjyan jî madala zîv qezenc kirine.

Wextê vekirina merasîma fermî çêmpîyonê gelek cara yê cîhanê û Avropayê, xwedîyê mêdala bronz ya Olîmpîyadê Malxas Amoyan û cîgirê çêmpîyonê cîhanê, çêmpîyonê Avropayê û xwedîyê mêdala bronz ya Olîmpîyadayê Roman Amoyan jî amade bûne.

Roman Amoyan axaftina xwe de girîngîya dibistana werzîşê ji bo civakê tekez kirîye. “Herêma me bi rastî jî hewcê dibistana werzîşê bûye. Zarokên me ji bo perwerdeyê hatina ji bajêr zehmetî dikişandin.Ez hêvî dikim ku piştî avakirinê ew ê baş perwerde bibin û em ê bê guman domdar bin”,- ewî gotîye û serda  zêde kirîye ku ewana her gav têkilîyên wan bi gunadra hebûye û niha ew têkilî wê qewîn bibe.

Serokwezîrê Ermenîstanê Nîkol Paşînyan  axaftina xwe de destnîşan kirîye ku avakirina dibistana werzîşê teqdîreke dewletê ye ji bo destkeftîyên werzîşvanan.

“Ev hemû rêzgirtina Komara Ermenîstanê ye ji bo destkeftî û xizmetên we yên werzîşêye”,-serokwezîr gotîye.

Ewî her wiha tekez kirîye ku ev proje ji alîkî ve, Roman Amoyan eleqedar dike, ku karîyêra xwe ya werzîşê temam kirîye û di rewşa Malxas Amoyan de jî, ew îfadeya hêvîyên nû ye.

“Em dixwazin pêşerojê de destkeftîyên nû di çêmpîyonata cîhanê û Olîmpîyadê de bên tomar kirin”.

Tê plankirin ku dibistana werzîşê bibe navendeke girîng ji bo perwerdehî û şêwazeke jîyanek tendurîst ji bo zarok û ciwanan.

Erd nêzîkî 4 000 mêtr çargoşe ye.Avahî wê du qatî be û nîvjêrzemînek jî hebe. Li qatê yekem dê salona werzîşê ya gulêşê  bo nêzîkî 150 temaşevanan  digire û her wiha hewzeke avjenîyê û saûnayekê hebe. Li qatê duyem wê salona rahênana hêzê hebe û li jêrzemînê jî wê qada lîstikê ji bo tênîsa maseyê û werzîşên din hebe.

Tê plankirin ku avahî  payîza sala 2027 a ser hevda bê.

Li gorî ragîhandina “Armenpress” ê,  fînala katêgorîya giranîya 77 kîlogiramê ya çêmpîyonata  Avropayê  ku li paytexta Albanyayê-Tîranayê pêk tê, Amoyan bi Ramaz Zoîdzê gurc re pêşbirk kirîye û bi 1:1 qal bi dest xistîye (serkeftin ji Amoyan re hatîye dayîn, ku qala yekem bi dest xistîye).

Malxas Amoyan karîyêra xwe de cara 5 emîn dibe çêmpîyonê Avropayê.

Werzîşvanê 18 salî di encama dengdanekê de ku li ser malpera fêdêrasîyona gîmnastîka Avropayê hatîye kirin, wek serketî hatîye hilbijartin û  mîlyonekî 30 hezarî zêdetir deng (51 selef) wergirtîye.

Fêdêrasîyona Avropayê di daxuyanîyekê de gotîye:”Ji bo Hamlêt Manûkyan yê ermenî saleke serkeftî bûye, ku aramîya xwe parastîye û di pêşbazîya yekem mêdala zêrîn ya Avropayê bi dest xistîye.Manûkyan di çêmpîyonîya Avropayê ya  yekem de zêr bi dest xistîye, derket serê podîûmê û ji hevalê xwe yê tîmê Mamîkon Xaçatryan derbaz bûye. Wekî din, Manûkyan di heman salê de sê çêmpîyonîyên kûpaya cîhanê jî bi dest xistîye, ku bi rastî jî nîşana ketina xwe ya di sehneya mezin de ye”.

Li gel Hamlêt Manûkyan, xwedîyê mêdala bronz ya Avropayê di akrobatîkê de, ku nûnerê portêkîzê ye, Gabrîêl Albûkêk, çêmpîyonê Avropayê, ku nûnerê Adirbêcanê ye, Tofîg Elîyêv, xwedîyê mêdala bronz ya cîhanê di gîmnastîka hunerî de, cîgirê çêmpîyonê Avropayê, swîsreyî Noê Zayfêrt û cîgirê çêmpîyonê cîhanê di gîmnastîka hunerî de, çêmpîyonê çar caran yê Avropayê, brîtanî Lyûk Wîathaûs jî ji bo sernavê herî baş pêşbirk kirîye.

Rosî di hevpeyvîna bi «Armenpress» ê re gotîye: “Em li vir li Yêrêvanê bi awayekî xweş tên pêşwazîkirin. Ez ji Ermenîstanê, ji serokwezîr, ji fêdêrasîyona gulebaranê ya Ermenîstanê re spasdar im. Karekî bi rastî mezin û baş hatîye kirin. Ev cara yekem e ku em çêmpîyonîya Avropayê li vir li dar dixin, ez hêvî dikim ku ne ya dawî be”.

Serokê fêdêrasîyona cîhanî ji merasîma vekirina çêmpîyonîya gulebaranê ya Avropayê bandor bûye, ku ewî gotîye ew bi gîyanê avropî tijî bûye.

“Ev hemû ji bo min bi xwe pir girîng e. Em bi dil û can teqdîr dikin ku tûrnîvan çiqas baş hatîye organîzasîyakirin tê lidarxistin. Ez bi awayekî xweş matmayî mam. Bi serokê fêdêrasîyona gulebaranê ya Ermenîstanê Artûr Hovhannîsyan û sêkrêtarê giştî Arêg Sarîbêkyan re têkilîyên me yên germ û biratî hene”,-ewî destnîşan kirîye.

Rosî behsa îhtîmala lidarxistina çêmpîyonîya cîhanê li Ermenîstanê di pêşerojê de kirîye û tekez kirîye ku ew vê yekê di pêşerojê de gengaz dibîne.