“Gotina bêwijdan”: Êrdog’an axavtina derheqa k’omkujîyêda hindava k’urdada dide k’ifşê

Parlamêntvanê T’irk’îyayêyî ji partîya Dêmokrasîya Gela, yê e’silê xweda ermenî Karo P’aylan e’lametîya serokê T’irk’îyayê R’eceb T’ayb Êrdog’ane dawîyê şirove kirîye.Wextê xeberdana derheqa têr’orîzmêda, Êrdog’an gotîye,wekî li T’irk’îyayê hene têr’orîst “yên ku ji şûr filitîne”, îzina k’îjana wê nedin, ku ew tiştekî bikin. Çawa bersiva vê e’lametîya Êrdog’an, P’aylan li ser r’ûp’elê xweyî fêysbûkê nivîsîye: “Êrdog’an careke mayîn gotina “yên ku ji şûr filitîne” wextê xeberdana xwe daye xebatê. Ev gotin derheqa wan merivadane, k’îjana k’omkujîya ermenî dîtine, sêwî mane, yên mînanî pîrika min. Her car, wextê ku em vê gotinê dibihên, ji birînên me dîsa xwîn diçe.Eva gotina bêwijdane”.