Sîyasî

Dadgeheke Tirkiyeyê ku doza fîloya mirovî  ya Sumud lêkolîn dike, di dema darizandinê de biryarek demkî da ku bi rêya…

Konferanseke bi navê “Girtîyên siyasî yên Ermenî li Adirbêcanê û pêwîstiya beşdarbûna YE” li Parlamentoya Ewropayê tê lidarxistin. Ev ji…

Sekretarê Konseya Ewlehiyê ya Komara Ermenistanê Armen Grigoryan pêşwaziya şanda Mîsyona Hevkariya Nû ya YE li Ermenistanê kir, ku ji…

Serokê Komara Ermenîstanê  Xaçaturyan ji bo seredaneke xebatê çûye Dewleta Qeterê Şandek bi serokatîya Serokkomarê Ermenîstanê Vahagn Khachaturyan  14ê Tîrmehê…

Hinek ji malbatên gundê Basilê yê Efrînê îro vegeriyan gundê xwe. Çavkaniyeke taybet a ji Basilê ji Rûdawê re got ku îro bêhtirî 100 malbatî vegeriyane gund. Çavkaniya ku hinek wêneyên nav gund jî ji Rûdawê re şandine, diyar kir ku hêzên Tirkiyeyê doh êvarê bi tevahî ji baregeha xwe ya leşkerî ya li nav gund vekişiyane. Piştî vê vekişînê rê li ber gundiyan hatiye vekirin da ku vegerin malên xwe. Ji sala 2018an ve baregeheke leşkerî ya hêzên Tirkiyeyê li nav gund hebû û vegera şêniyên gund bi tevahî hatibû qedexekirin. Di heman demê de, Ehmed Şêxoyê ji gundê Şêxûrza Jorîn doh Rûdawê re gotibû ku hêzên Tirkiyeyê gundî agahdar kirine ku ew dê ji gundê Şêxûrzê vekişin û şêniyên Şêxûrza Jorîn êdî dê karibin vegerin malên xwe. Ji bilî gundên Şêxûrza Jorîn û Basilê, vegera niştecihên gundên Cilbirê, Gobilê, Dêrwîş û Gundê Çiyê jî ji ber hebûna baregehên leşkerî yên Tirkiyeyê hatibû qedexekirin.

Partiya Gelan a Wekhevî û Demokrasiyê (DEM Partî), ji bo salvegera 96an a Komkujiya Zîlanê daxuyaniyek belav kir. DEM Partiyê bi bîr anî ku di komkujiya ku sala 1926an dest pê kir û heta 13ê Tîrmeha 1930yan li Geliyê Zîlanê yê navçeya Erdîşê ya parêzgeha Wanê berdewam kir de, bi deh hezaran mirov hatine qetilkirin û bi sedan gund hatine rûxandin. “Hîn lêborîn nehatiye xwestin” DEM Partiyê diyar kir ku tevî ku 96 sal di ser komkujiyê re derbas bûne jî heta niha ti rûbirûbûna fermî çênebûye û dewletê navê komkujiyê jî neaniye zimên. DEM Partiyê destnîşan kir ku hîn lêborîn nehatiye xwestin û divê dewlet bi komkujiyên salên ewil ên komarê re rûbirû bibe. Siyaseta red û înkarê Daxuyaniya Lijneya Birêvebir a Navendî (MYK) ya DEM Partiyê wiha ye: “Ji ber polîtîkayên red û înkarê yên ku bi Destûra 1924an re dest pê kir, hişmendiya avaker a dewletê gelê Kurd bi awayekî sîstematîk rûbirûyî komkujî û sirgûnkirinê kir. Di encama komkujiya ku sala 1926an dest pê kir û 13ê Tîrmeha 1930î li Geliyê Zîlanê yê Erdîşê pêk hat de, bi deh hezaran mirov hatin qetilkirin û bi sedan gund hatin şewitandin. Bi deh hezaran mirov ji axa xwe hatin derxistin û herêm bi polîtîkayên nifûsê û endezyariya siyasî rûbirûyî paqijiya etnîk hat hiştin.” “Ne lêborîn heye ne jî şopa edaletê” DEM Partiyê bal kişand ser nebûna edaletê û li pey çû: “Îro tevî ku 96 sal derbas bûne jî li ser komkujiyê ti rûbirûbûna fermî çênebûye. Dewletê navê komkujiyê jî neaniye zimên. Li wê cografyaya ku komkujî lê pêk hatiye, ne kevirekî bîranînê ne lêborînek û ne jî şopa edaletê heye. Rûbirûbûna bi rastiyan re yek ji hîmên sereke yên pêvajoya aştiyê û civaka demokratîk e. Zîlan ne tenê birîna gelê Kurd e, birîna hemû kesên ku li vê axê jiyaneke azad û wekhev dixwazin e.” Banga ji bo parastina Geliyê Zîlanê Partiyê daxuyand ku divê Geliyê Zîlanê wekî cihê bîranîn û rûbirûbûnê were parastin û şopa gundên hatine şewitandin û jiyanên hatine tunekirin were nîşandan û got: “Em bi deh hezaran canên xwe yên ku di Komkujiya Zîlanê de mirine bi rêzdarî bi bîr tînin. Em dê ji bo darizandina berpirsyaran û ji bo ku ev êş ducare nebin têkoşîna xwe bidomînin.”