Profêsora zankoya Yûnanistanêye ulmî Katîya Zagorîtoyê nava nivîsara xweye dawîda e’şaretî daye,wekî h’ukumata t’irka bi serk’arîya R’eceb T’ayb Êrdog’an qirar qebûl kirîye, ku him nava welêtda û ji welêt der jî k’urdaxin.Ewê derheqa êrîşên t’irkaye li Sûrîyayê, yên hindava k’urdada, yên salên 2O18-2O19-da gotîye û paşê jî derheqa êrîşên li ser K’urdistana Îraqê daye dîyarkirinê. Lêk’olînerê usa jî gotîye,wekî h’ukumata T’irk’îyayê pêr’a jî i’mbarên avêye mezin li T’irk’îyayê çê kirine bona ku k’urdên Îraqê û Sûrîyayê nikaribin bighîjine r’êsûrsên avê û qewata wane êkonomîkî ze’yîfbe. Bi wê yekêva t’evayî T’irk’îya herêmên k’urdaye dîrokî xirab dike, yên mînanî bajar’ê H’esenk’êyfê. H’ukumata t’irka dicêr’ibîne ku civaka k’urda negihîje serk’arîkirinê û wana mecbûrke, ku ew ji axa xwe derk’evin, dêmografîya herêmên k’urdaye li welêt bide guhar’tinê û k’urda bêt’eqet bike.Profêsorê gotîye,wekî h’ukumata t’irkaye îroyîn t’evî gelek pirsgirêkên êkonomîkî û sîyasî şer’k’arîyê dike û qirar kirîye ku k’urdên T’irk’îyayê bih’incir’îne bona ku ew nikaribin t’evî partîyayên mayîne opozîsîyon, yektîyê çêkin.Ewê usa jî e’şaretî daye,wekî sîyasîya h’incir’andina k’urdaye nava welêtda û ji welêt der wê ji alîyê R’eceb T’ayb Êrdog’anda berdewambe.
