Serekwezîrê Ermenîstanê Nîkol P’aşînyan t’evî serokê Arsaxê Arayîk Harûtyûnyan li t’abîyên Arsaxêye sînorxweykira qesidîne.R’êberîya wan kirine wezîrê Ermenîstanêyî p’arastinê Davît’ Tonoyan û wezîrê Arsaxêyî p’arastinê Celal Harût’yûnyan.Nava e’lametîya fermîda hatîye dîyarkirinê,wekî serokên herdu k’omara dîna xwe dane sîstêmên înjênêrîyê û t’abîya, têxnologîyayêyn nû, sîlih’ên nû, xebatên bona bilindkirina bêqezîyabûna leşkeraye li ser t’abîya.Nîkol P’aşînyan û Arayîk Harût’yûnyan nasîya xwe dane qewilên leşkera û t’evî wana qise kirine. Li p’areskerekî Qerebag’ê, serekwezîrê Ermenîstanê û serokê Arsaxê t’evî vekirina avayê leşkerayî nanxwerinêyî t’ezeçêkirî bûne. Serekwezîr nasîya xwe daye qeydê nandayîna bona leşkera û xurekê li wir. Nîkol P’aşînyan gotîye,wekî şuxulk’arîya başkirina sîstêma nandayînêye nava leşkerada, bi açixî berdewam dibe. Ewî pêşk’eftina senaya leşkerî girîng h’esab kirîye û ew pirs merk’eza guhdarîya h’ukumata Ermenîstanêdanin. Nîkol P’aşînyan, wezîrê p’arastinê Davît’ Tonoyan û nevsên mayîne fermî li Arsaxê wextê r’ewakirina piştî wefatbûnê, ya serokê şêwira Qerebag’êyî t’ewrebilinde e’wlin Art’ûr Mkrtçyan û kapîtan Armênak Ûrfanyan hazir bûne, yên ku piştî wefatbûnê navê “Mêrxasê Arsaxê” stendine.
