Qezîya bûyarên nû li Qerebagê heye. Derheqa wê yekêda serokê mîsîya navçîgarîyêye berê, yê nava koma Mînskêda Vladîmîr Kazîmîrov gotîye.”Bona Rûsîyayê gelekî girîng e wekî alî agirbestê xweykin.Ez wê yekê slav dikim, ku aşîtîparêzên rûs awqasî zû anîne zona dew û dozê.Eva tiştekî girînge. Bi fikira min, gerekê usa hesab nekin ku qezîya bûyara îdî tune”,-Vladîmîr Kazîmîrov gotîye.
Bi gotina wî, gerekê înformasîya derheqa wê yekêda belav bikin ku kê agirbesta sala 1994-a îzbatbûyî teribandîye, ya ku 26 sala kar kirîye.
Xebatkarê înstîtûta hemcîhanêye pêwandîyên êkonomîkî û navnetewî Vadîm Mûxanov jî derheqa wê yekêda gotîye.
“Garantîya tune ku careke mayîn wê sertbûna hal tunebe.Elametîyên ku niha alîyên nava dew û dozê dikin, şikberîyê nahêlin wekî alîyên nava dew û dozêda bona berdewamkirina şuxulkarîyê hazir nînin”,-pêşezan gotîye.Bi gotina wî hal wê usa bimîne. Sertbûn dikare ne tenê li Hadrûtê, lê usa jî li sivdera Laçînê hebe.
