Adirbêcan gava diavêje û bi wî cûreyî têma derheqa vekirina rêyên herêmêda bêhurmet dike.Derheqa wê yekêda, borcbirê serekwezîrê Ermenîstanê Nîkol Paşînyan wextê civîna hukumatê gotîye.
«Ne nava elametîya 9-ê mijdarê, ne jî nava elametîya 11-ê meha çileda tu tişt derheqa vekirina sivderêda û derheqa rêyên konkrêtda tunene.Adirbêcan dîsa têma derheqa sivderêda bilind dike û rêyên konkrêt dide dîyarkirinê.
Berê min gelek cara gotîye, wekî Ermenîstanê tu pirsên derheqa sivderada gotûbêj nekirîye, nake û wê neke. Adirbêcan dicêribîne têma vekirina rêyên herêmê bide tevlîhevkirinê, ya ku ne tenê pirseke girînge bona me, lê usa jî nava cêrga pirsên hukumatêye pêşindane»,-Paşînyan gotîye.
Borcbirê serekwezîr gotîye,wekî bona alîyê ermenî usaye, wekî hemû rêyên transportê gerekê bêne vekirinê, yên ku çawa nava Ermenîstanêra, usa jî gerekê nava Adirbêcanêra bêne vekirinê.
