Parlamêntvanên HDP-ê dewa derbazkirina lêpirsîna bona zelalkirina kuştina Dînk raber kirine

Girêdayî 15 salîya kuştina rojnamevanê esilê xweda ermenî Hrant Dînkra, parlamêntvanên ji HDP-ê dewekarîya xwe raber kirine, ku lêpirsîna parlamêntîyê bona zelalkirina kuştina Dînk derbazkin.

Hrant Dînk 19-ê çileya sala 2OO7-a li ber ofîsa rojnama “Akos”-ê hatîye kuştinê. Ogyûn Samastê miletçî, yê ku wextê kuştina  Dînk hê xortê negihîştî bû, sala 2O11-a cezayê girtina 22 sala stendîye, lê hene pirs, anegorî kîjana tê dîyarkirinê, wekî hêzên dewletê jî tevî wê kuştinê bûne.

“Şuxul usa pêşda nediçû, ku nezelalîya kuştina Dînk bihata eşkerekirinê û heqîtî bihata çareserkirinê”,- parlamêntvanên HDP-ê Sarûxan Olûç û Mêral Bêştaş gotine. Parlamêntvana dane dîyarkirinê, wekî merivkuj bi xwestina sîyasî parastî bûn, yên ku li ber mehkemê sekinîn, lê anegorî wê yekê nehatine cezakirinê.