Kirina navê Ermenîstanê nava cêrga beşdarên telîmên  “Defender 23 ” da şaşîye: Pêntagon

Wezîreta Ştatên Amêrîkayêye Yekbûyîye parastinê, bersiva  pirsa qulixdarîya “Dengê Amêrîka”yê, ya beşa ermenî daye, ya derheqa navê  Ermenîstanêye nava navnîşa welatên beşdarên telîmada bûye.

Nava bersivêda Pêntagonê daye dîyarkirinê: “Kirina navê Ermenîstanê nava navnîşa welatên beşdarên telîmên “Defender 23 ” da şaşîya koma qulixdarîyê bû.Alîyê ermenî tu cara tevî van telîma nebûye û gerekê navê Ermenîstanê nava navnîşêda  tunebûya”.

Em bîr bînirn, wekî wezîreta Ştatên Yekbûyîye parastinê înformasîya belav kiribû, wekî ji 22 ê nîsanêda deh welatên avropî wê beşdarî wan telîma bibin.

Nava navnîşa wan welatada navê Ermenîstanê jî hatibû dîyarkirinê, lê piştî çend seheta ew nav ji nava navnîşê hatibû derxistinê.