Snob: Dilîjan bajarê herî aram yê Ermenîstanê ye
Dilîjan bajarê herî aram yê Ermenîstanê ye. Li wir kes li kolanan lez nakeve. Mirov bi lez naçe ser kar, lê dimeşe. Li pey otobûsa ku diçû re nabin, diçin seyranê. Portala Snob ya rûsî dinivîse, piştî avabûna rojê li Dîlîcanê, dema ku kesek dibêje “roj baş” mirov matmayî dimînin. News.am STYLE çend beşên gotarê raber dike.
“…Eywanên Dilîjanê fireh in, ji ber ku bajar ji mêvanan hiz dike. Tûrîst bi xwarinê têne kêfxweşkirin. Di cejinê de bi dehan kesên vexwendî ji alîyê şênîyên Dîlîcanê ve tên mazûvanîya xwe û yên ku wan ji bîr kiribûn vexwînin jî tên. Mêvan gelek caran nivînan bi xwe re tînin, ji ber ku şênîyên herêmê nikarin hemûyan peyda bikin. Cejin bi şahîyekê dest pê dike. Heger hûn li hewşa ku sifreya cejinê lê hatîye danîn derbaz bibin, hûn dikarin çend rojan li wir bimînin”.
“Di her wextê rojê de Dîlîjan mîna ku hê tam hişîyar nebûye dijî. Kûçik jî di xew û ramanan re derbaz dibin, wek nexweşên li sanatorîyayê piştî nîvro… Kûçikên Dîlîjanê edetên pişîkan li xwe kirine: bi roj pir radizên, bi şev jî bi koroya xwe bajêr ker dikin. Li Dîlîjanê efsaneyeke bajarî heye ku dema çeqal û ajalên kovî ji çîyê tên xwar dengê kûçikan derdixin. Girîngîya kûçikan li bajêr bi sindoqên tije xwarinê yên ku li hin qehwexaneyan ji bo wan hatine komkirin dîyar dibe û di sala 2022 a de her yek ji afîşên rêklamê yên ku li navenda bajarê Dîlîcanê hatine danîn, yek ji kûçikên herêmê nîşan didin, navê wî û kurtnivîsek li ser hebû.
“Ez li Dîlîjanê dijîm”. Bûyerek din jî îzbat dike ku li Dîlîjanê rêzgirtina kûçikên kolanan heye. Salek berê wêneyên kûçikan yên li ser afîşên rêklamê hatin guhertin û li şûna wan wêneyên ermenîyên navdar derketin. Li cîhê ku Lînda daleqandî bû, wêneyê Şarl Aznavûr û wêneyê kûçikê bi navê Sêvo, yê Katolîk xuya bûn”.
“…Dîlîjan bi daristanên qelih girtîye. Li gel axên bêhempa, bayên li derdora bajêr hewayek ku ji bo tirîyên sipî hema îdêal e ava dike.
Pispor wê bi avhewaya gelîyê Lûarî ya Fransîyayê re didin ber hev. Û heger li herêmên başûrê Ermenîstanê, cûreyên tirîya yên sor têne çandin, ku ji wan şerabên fêkî yên geş têne çêkirin, wê hingê li bakûrê Dîlîjanê şerabê tirîyê sipî “Lalvar” baş çêdibe. Şeraba sivik, Tûs, jê tê çêkirin. Ev şerab xwedan asîta bilind, awazên kulîlkan û bêhna fêkîyên tropîkal e. Bi masîyên sîg yên Sêvanê re bêkêmasî derbaz dibe”.
