Ji bo agahîya der barê koçberên neqanûnî de wê 100 hezar rûbl bidin rûsan

Dûma dewletê pêşnîyar kir ku ji bo agahdarîya li ser rûniştina neqanûnî ya koçberên kar 100 000  rûbl bonûs bidin rûsan. Sêrgêy Kargînovê parlamêntvan bi vê înîsîyatîvê pêşda hatîye.

“Ev destpêşxerî dê ji me re bibe alîkar ku torên koçberîya neqanûnî yên ku ji bo civakê xeternak in nas bikin û bêbandor bikin. Mirov dê koçberên neqanûnî bi awayek çalaktir radigihînin, zanibin ku agahdarîya wan dikare bi rastî sûdmend be, û ew ê xelatek bistînin” ,-Kargînov li ser kanala xwe ya Telegram nivîsîye.

Karginov wiha dawî li axaftina xwe anî: “Bi xebatên hevpar yên hemwelatîyan û ajansên sepandina yasayê, em ê astengîyek pêbawer li hember pêla koçberîya neqanûnî çêbikin”.

Di vê navberê de, Rûsîya ji bo koçberan her ku diçe kêm dibe. Li gorî daneyên Rûsîyayê, di sala 2023 an de 560 400 kes ji derve hatine welêt, 23 selef kêmtir ji salek berê, dema ku herikîn 730 000 bû.

Bi vî awayî hejmara zîyaretvanan daket asta herî nizim ya 10 salên dawî. Wekî din, piranîya koçberan (31 selef) niştecihên Tacîkîstanê ne. Di  rêza duyemîn de welatîyên Qirgizstanê  10 selef, di rêza sêyemîn de Ûkraîna, Ermenîstan û Qazaxstan – her yek ji  9 selef, û 4 selef jî ji Ûzbêkîstanê ne. Wekî din, ji  40 selefê koçberên navneteweyî jî hemwelatîyên Rûsîyayê ne.

Piştî êrîşa têrorîstî ya 22 ê adarê  rayedarên Rûsîyayê dest bi tundkirina polîtîkayên koçberîyê kirin. Welatîyên Tacîkistanê bi tohmeta pêkanîna tawanekê hatin girtin û ev yek jî bûye sedema zêdebûna hestên dijî koçberîyê di civaka Rûsîyayê de. Sazîyên qanûnê ji bo lêgerîna koçberên neqanûnî dest bi serdegirtinê kirin.