Pûtîn serokekî qels e, çûbû Bakûyê ku kontrol bike Elîyêv şirîkê wî ye yan na
Wezîrê karên der yê Fêdêrasîyona Rûsyayê dîyar kir ku ya ku peymana ji bo rakirina blokên ragîhandinê yên li herêma Syûnîkê sabote dike, Ermenîstan e.
Wezîreta karên der ya Ermenîstanê jî bersiv da daxuyanîya dawîn. “Mixabin, şîroveyên nerast, eşkere yên alîgir, pir caran bêhurmetî yên karbidestên cûre-cûre yên wezîreta karên der ya Fêdêrasîyona Rûsîyayê di derbarê Ermenîstanê de ev demeke dirêj ne nû ne û heke we bala xwe dayê, ev demek dirêj e ku em jî xîtabî wan kir.
Lê belê em nikarin bêjin ku daxuyanîya duh ya serokê beşa sîyaseta der ya Rûsîyayê ne tenê dibe sedema poşmanîya paqij, lê beşdarbûna avaker ya Fêdêrasîyona Rûsîyayê di pêvajoya asayîkirina peywendîyên di navbera Ermenîstanê û Adirbêcanê de jî dixe ber pirsê.
Marîya Zaxarova ku bersiva wezîreta der ya Ermenîstanê da, gotîye: “Ev nimûneyeke din e ku Yêrêvana fermî sûcdar dike yên din, di vê rewşê de Rûsîya, bi xeletî û hesabên xwe yên xelet”.
Têkildarî mijarê Civic.am bi zanyarê sîyasî, pisporê navenda zanistên sîyasî ya Parîzê Kays Mînasyan re axivî.
“Rûsîya piştî agirbestê nikare li Başûrê Kafkasîyayê çi bixwaze bike. Lê eger li Gurcistanê tiştên erênî ji bo wî hebin jî, paşeroja Rûsîyayê li herêmê ne dîyar e, ji ber ku berî her tiştî divê di demek nêzîk de li Gurcistanê hilbijartin bên kirin û kes nizane wê kî bi ser bikeve, lê xuya ye ku xelk bêtir alîgir in. Ji hukumeta niha avropî ye. Ya duda, hêzên muxalîf yên li Ermenîstanê, desthilatdarên berê û rûhanî nikarin pêleke mezin yan jî tevgereke mezin ji bo parastina berjewendîyên Rûsîyayê çêbikin. Tişta ku dixwestin bi dest nexistin. Ya sêyem, li Adirbêcanê çi dibe bila bibe, Rûsîyayê bêzar dike. Û ya çaremîn, opêrasîyona dawî ya hêzên çekdar yên Ûkraînayê li Kûkrskê û me bêçaretîya Rûsîyayê dît”.
Kays Mînasyan her wiha li ser wê yekê jî got ku piştî civîna li gel Elîyêv li Bekûyê, serokê Rûsîyayê Vladimîr Pûtîn ragîhand ku Moskva amade ye beşdarî asayîkirina peywendîyên navbera Bekûyê û Yêrêvanê di beşa ku pêwîstîya her du alîyan de ye, bike. Hewl dide hebûna xwe li herêmê xurt bike, ji ber ku dizane ku îdî Adirbêcan û Ermenîstan wek Rûsîyayê dixwaze.
“Pûtîn ku çûye Bekûyê cûreyekî serokekî lawaz e, ji ber ku çûye kontrol bike ku Elîyêv şirîkê wî ye yan na”. Ji bilî Adirbêcan, Korêya Bakûr û Çînistanê, ewê bi ku ve biçe? Lê binerin, Çînistan, Îran, Tirkîya, dostên Rûsîyayê di derbarê Rûsîyayê de gumanên wan hene. Ne tenê ji ber korîdorê çû Bekûyê, ji bo ku bizane ka bandorek li herêmê heye yan na. Wê demê peymana gazê ya di navbera Rûsîyayê û Adirbêcanê de didome yan na? Helbet divê berdewam bike, lê mirov wê bixwaze pêştir biçe”.
