Serokê Herêma Kurdistanê bi konsûlên nû û kevin yên Almanyayê re civîya.
Serokê Herêma Kurdistanê pêşwazî li konsûlê berê yê Almanyayê Klaûs Straîçêr û konsûlê nû yê Almanyayê Albrêçt von Wîttkê kir.
Serokatîya Herêma Kurdistanê di daxuyanîyekê de ragîhand ku Nêçîrvan Barzanî ji ber kar û xebatên wî spasîya konsûlê berê yê Almanyayê Klaûs Straîçêr kir.
Her wiha Nêçîrvan Barzanî bixêrhatina konsûlê nû yê Almanyayê yê Herêma Kurdistanê Albrêt von Wîttkê kir û hêvîya serkeftinê di erkê nû de jê re xwest.
Li alîyê din, Straîçêr kêfxweşîya xwe ji bo karê xwe yê li Herêma Kurdistanê nîşan da û ji bo piştgirîya di karê xwe de spasîya alîyên peywendîdar kir.
Hat ragîhandin ku di civînê de rewşa Îraq û Herêma Kurdistanê û hilbijartinên parlamêntoya Kurdistanê hatin gotûbêjkirin.
Nêçîrvan Barzanî bal kişand ser girîngîya hilbijartinan û serkeftina pêvajoya dengdanê ya ji bo Herêma Kurdistanê û gotîye:
“Gelê Kurdistanê serkeftîyê hilbijartinan e û divê her kes hewl bide ku hilbijartin di atmosfereke aram de derbaz bibin”.
20 ê çiriya pêşîn sala 2024 a ji alîyê serokatîya Herêma Kurdistanê ve wek roja hilbijartinên parlamêntoya Kurdistanê hatîye dîyarkirin.
