Ya girîng ewlehî ye: balafirgeha Syûnîkê çawa tê nûjenkirin?

Nûjenkirin ne tenê wê kapasîteyên têknîkî yên balafirgehê baştir bike, lê di heman demê de wê şert û mercên pêşdabirina seyrûsefera hewayî jî biafirîne.

Balafirgeha Kapanê “Syûnîk” tê nûjenkirin. Birêveberê balafirgehê Karên Vardanyan ji Sputnik Armênyayê re gotîye, sazkirina alavên nû wê ewlehîya balafiran zêde bike û ji ber şert û mercên xirab yên hewayê betalkirina balafiran kêm bike.

 “Sefera Yêrêvan-Kapan-Yêrêvanê li gorî rêgezên firîna dîtbarî tê kirin, ji bo wê jî hewa xweş pêwîst e, eger nebe wê sefer bê betalkirin. Vardanyan gotîye: “Niha amûrên pîvandina bilindahîya qata jêr a ewran berê hatine bicihkirin û pisporên “Hayaêronavîgasîya” ê ronahîya radyoya VOR/DME saz dikin”.

“Syûnîk” sêyemîn balafirgeha sîvîl ya Ermenîstanê ye, ku koda IATA wergirtîye. Lê belê, binesazîya rê dide ku frekansa firînan rojane bibe pênc.