Bloomberg: nêzîkî 15 welat amade ne ku leşkeran ji bo kontingêneke aştîparêz li Ûkraînayê peyda bikin

Ji 31 welatên ku beşdarî dabînkirina ewlehiya Ûkraînayê piştî bidawîhatina şer bûne, nîvê wan amade ne ku leşkerên xwe bişînin wî welatî. Pirsgirêk ew e ku avropîyan heta niha razîbûna Amêrîkayê ji bo piştgiriya mîsyona xwe ya aşîtîyê wernegirtine û ev yek rê li ber avakirina dawî ya bi navê “hevbendiya dilxwazan” digire.

Di hefteyên dawî de, nûnerên 27 welatên Yekîtiya Avropayê, û her weha Brîtanyayê, Norvêcê, Kanadayê û Australyayê, li ser planên ji bo kontingêneke ku wê alîkariya parastina aşîtîyê li Ûkraînayê bike, heger agirbestek were lihevkirin, gotûbêj kirin. Nêzîkî 15 welatan amadebûna xwe ji bo beşdarbûna leşkeran piştrast kirine, kesên ku bi danûstandinan agahdar in ji Bloomberg re gotîye. Karbidestan gotîye, dema ku NATO wek hevalbendî beşdarî opêrasyonê nabe, Kanadayê û Avstralyayê jî leşkeran pêşkêşî yekîneyên avropî kirine.

Lê belê, dibe ku pêvajoya avakirina hevpeymaniyê raweste ji ber ku Waşîngton sozên zelal nedaye dabînkirina garantiyên ewlehiyê, kesên ku bi mijarê dizanin dibêjin. Serokwezîrê Brîtanyayê Kîr Starmêr angaşt kir ku garantîyên bi vî rengî ji Waşîngtonê re hewce ne ji ber ku ew “yekane rê” ne ku bi bandor Rusyayê ji êrîşa dîsa li Ûkraînayê bihêle. London û Parîs hewil didin ku Donald Tramp razî bikin ku alîkariyê bi awayê veguhestina esmanî, kontrolkirina sînor û parvekirina îstixbaratî, ne ji leşkeran re pêşkêş bike, lê serokê Dewletên Yekbûyî red kir ku rêkeftinek weha bike ji dema ku plan berî nêzîkî du mehan hate ragihandin.