Her ku rêjîma Elîyêv di nava avtorîtarîzmê de kûrtir dibe, zext û zordarîya li dijî dezgehên ragîhandinê yên serbixwe digihîje astên nedîtî. Ji mijdara sala 2023 a û vir ve, pêleke girtinê li dijî rojnamegerên ku serî li sansûrê nadin, tê meşandin. “Rojnamevanên bê sînor” galêrîyeke ji profîlên pisporên mêdyayê yên ku ji ber hewildanên xwe yên agahdarkirina raya giştî bi awayekî keyfî girtî ne, çêkirîye.
Eva du dehsalîn e, Îlham Elîyêv bi awayekî rêbazî piralîbûna mêdyayê li welatê xwe tune dike, û ev zordarî ji payîza sala 2023 a vir ve tûndtir bûne. Bi piranî bi “qaçaxçîtîya bîyanî”, ku bi rastî alîkarîyê ji rêxistinên bîyanî distînin, gelek rojnamevan tenê ji ber ku karên xwe dikin yan jî azadîya çapemenîyê diparêzin di zindana da nin.
Di vê galêrîya ku di wextê rast de hatîye nûvekirin de, RSF kesên ku wêrekîya rojnamegerîya di bin zextê de dihewîne nîşan dide. Ew di dewletek ku rexneya giştî qedexe dike, gihandina agahîyan asteng dike, û hem sazîyên giştî û yên taybet neçar dike ku nerazîbûnan bêdeng bikin, azadîya çapemenîyê diparêzin.
