Temenê dirêj li Ermenistanê dibe ku ji ber toleransa li hember alkolê be:Alêksêy Rakşa
Bi gelemperî, rewşa li Ermenistanê kêm-zêde ji bo welatekî piştî Sovyetê tîpîk e. Ango, ji aliyê rêjeya zayînê ve, Ermenîstan demek dirêj ji rêjeya navînî ya Yekîtiya Sovyetê hinekî bilindtir bûye, paşê hinekî ji rêjeya navînî daket, û niha rêjeya zayînê li Ermenîstanê bi qasî rêjeya navînî ya hemî komarên Sovyeta berê ye. Di hevpeyvîneke bi News.am Tech re, zanyarê navdar yê rûsî, demograf Alêksêy Rakşa destnîşan kirîye.
“Di şûna wê de, temenê jiyanê li Ermenîstanê her tim pir zêde bûye. Ango, rêjeya mirinê li Ermenistanê kêm bûye. Ji alîyê temenê jiyanê ve, ew di nav du yan sê komarên Yekîtîya Sovyetê de yan ya herî bilind yan jî ya yekem bûye”.
Zanyarê rûsî destnîşan kirîye ku “Û heta niha jî, mirovên li Ermenîstanê ji hemî welatên din yên Yekîtiya Sovyêtê ya berê, ji bilî welatên Baltîkê, ji bilî Estonyayê, dirêjtir dijîn”.
Ewî pêşniyar kirîye ku ev ne ji ber asta pir bilind ya bijîşkî li Ermenistanê ye.
“Ev ji ber hin taybetmendîyên çandî, adetan û rastîya ku nifûs kêm-zêde li hember vexwarinên alkolî tehemûl dike ye. Her çend li Ermenîstanê gelek cixarekêş hene… Ez difikirim ku şert û mercên xwezayî û çand di vê yekê de rolek dilîzin, dibe ku hin adetên xwarinê û ez dubare dikim, tehemûla li hember alkolê, ji ber ku tirî li Ermenîstanê ne hezar sal in ku tê çandin. Û tiştê ku em li hemî welatên Başûrê Avropayê dibînin, mînakî, heta niha jî dibe alîkar, dema ku alkol li seranserê gerstêrkê heye, ji bilî welatên misilman yên herî hişk, ew temenê jiyanê kêm dike, û li Ermenîstanê, xuya ye, bi rêjeyek kêmtir”,- zanyarê rûsî destnîşan kirîye.
Li gorî Alêksêy Rakşa, dema ku kampanya li dijî alkolê hate ragîhandin, temenê jîyanê li Ermenistanê zêde bûye, lê ev zêdebûn ji, bo nimûne li Rûsyayê yan Belarûsê piçûktir bûye.
Zanyar destnîşan kirîye ku “Ev pirsgirêk li vir ji welatên me yên bakur pir kêmtir tûj e, ku çend sed sal berê alkol bi pratîkî tune bûye, û xuya ye ku pêkhateya gênêtîkî ya nifûsê, ango hin taybetmendiyên mîratî hîn ji bandora wêranker nehatine rakirin”.
Piştî hevpeyvînê, Alêksêy Rakşa ji bo berawirdkirinê hejmarên temenê jiyanê yên welatên piştî Sovyêtê ji me re şandin. Bi taybetî, li Ermenistanê di sala 2024 a de ji bo mêran 75.1 sal, ji bo jinan 81.7 sal û ji bo her du zayendan 78.6 sal bûye. Cûdahî 6.6 sal e.
Li Rûsyayê, ji bo her du zayendan 72,86 sal bûye: mêr 66,5-67 salî, jin 78,7-79,1 salî. Cûdahî bi qasî 11,8-12,6 salî ye. Li Estonyayê, ji bo her du zayendan 79,44 sal bûye: mêr 75,07 salî, jin 83,43 salî. Cûdahî 8,36 sal e.
