Serokê komîtêya daîmî ya têkilîyên parlamênta Ermenîstanêye karên der Sargîs Xandanya, ji alîyê serokê demkî yê Organîzeya Hevkarî û Ewlekarîya Avropayê ve wek serokê mîsyona çevdêrîya hilbijartinan ya navneteweyî ji bo hilbijartinên parlamêntîyê yên li Macaristanê hatîye kifşkirin. Wek koordînatorê taybet û serokê mîsyonê, Sargîs Xandanyan wê karê mîsyonên çevdêrîyê yên demkurt yên parlamêntê ya Organîzeya Hevkarî û Ewlekarîya Avropayê, hevrêz bike.
Di serdana xwe ya xebatê ya paytexta Macaristanê ku di navbera 24-26 ê adarê de pêk hatîye, Sargîs Xandanyan bi sazîyên dewletê yên ku di pêvajoya hilbijartinê ya Macaristanê de beşdar in, partîyên sîyasî yên ku beşdarî hilbijartinan dibin, nûnerên parlamêntê û hukumeta Macaristanê, nûnerên civaka sîvîl û medyayî, û her weha tîma Organîzeya Hevkarî û Ewlekarîya Avropayê ya ku mîsyona çevdêrîyê ya demdirêj dimeşîne civîyaye.
Hevdîtinan de, Sargîs Xandanyan bi xebatên amadekarîyê yên ji bo hilbijartinan û pêvajoya kampanyayê agahdar bûye. Hilbijartinên parlêmêntê li Macaristanê wê 12 ê nîsanê bê lidarxistin.
