Serokwezîr Paşînyan cîgirê serokê NVIDIA ê û serokên Integra Technologies û Service Titan ê qebûl kirîye
Serokwezîr Nîkol Paşînyan cîgirê serokê NVIDIA ê Rêv Lêbarêdyan, serokê lijneya rêvebirên Integra Technologies Zavên Akîanî û serokê Service Titan ê Vahê Kûzoyan qebûl kirîye.
Wek ku ji ofîsa serokwezîrê Komara Ermenîstanê elamî “Armenpress” ê kirine,hevdîtinê de mijarên têkildarî çalakîyên hevaltîyên jorîn li Ermenîstanê, bernameyên heyî û projeyên pêşerojê hatine niqaşkirin. Serokên hevaltîyên têknolojîyê tekez kirine ku hukumeta Komara Ermenîstanê şert û mercên pêwîst efirandine, di encamê de ew bi serkeftî li welêt dixebitin û dixwazin wê berfireh bikin.
Serokwezîr destpêşxerîya ji bo pêkanîna bernameyên nû pêşwazî kirîye û girîngîya hevkarîyê tekez kirîye.
Heman demê de hatîye tekez kirin ku projeya avakirina kargehekê û navenda daneyan ya îstîxbarata sûnî li Ermenîstanê ji hêla hevaltîya Firebird ve bi serkeftî tê bicîhanîn.Hevdîtinê de, li ser têkilîyên Ermenîstan-dîyasporayê, pêşxistina hevkarîya Ermenîstan-Amêrîkayê û her weha derfetên kişandina veberhênanên nû raman hatine parvekirin.
