Ji gelîyê sîlîkonê heta Yêrêvanê: Plug and Play bernameya xwe ya sêyemîn li Ermenîstanê dest pê dike

Qonaxa sêemîn ya bernameya piştgirîya destpêşxerîyên navneteweyî ya Plug and Play, ku bi piştgirîya wezîreta Ermenîstanêye pîşesazîya têknolojîya bilind ya Komara Ermenîstanê tê pêkanîn, li Yêrîvanê dest pê kirîye.

Wezîrê Ermenîstanêyî pîşesazîya têknolojîya bilind Mxîtar Hayrapêtyan, cîgirê serokê parlamêntê Hakob Arşakyan, cîgirê wezîreta pîşesazîya têknolojîya bilind  Rûbên Sîmonyan û her weha nûnerên sêktora têknolojîyê, şêwirmendên navneteweyî û lîstikvanên sereke yên di êkosîstema destpêşxerîyê de beşdar bûne.

Wezîr Hayrapetyan bi xêrhatina beşdaran kirîye û destpêkirina bernameyê pîroz kirîye û rola sereke ya destpêşxerîyên bi vî rengî di pêşveçûna êkosîstêma têknolojîk ya Ermenîstanê de tekez kirîye.

Çarçoveya hevkarîya di navbera wezîreta Ermenîstanêye pîşesazîya têknolojîya bilind  û Plug and Play de, ji sala 2024 a vir ve du qonaxên bernameyê bi serkeftî hatine bicîhanîn, ku nêzîkî 40 destpêşxerîyan tê de beşdar bûne. Armancên sereke yên înîsîyatîvê pêşxistina êkosîstêma destpêşxerîyên Ermenîstanê, berfirehkirina têkilîyên navneteweyî û başkirina berdewam ya pêşbazîya tîmên herêmî ne.