Serokwezîrê Herêma Kurdistanê û Fermandarê Giştî yê Hêzên Sûrya Dêmokratîk (HSD) civîyane.
Li gorî daxuyanîya hukumeta Herêma Kurdistanê, her du alî li ser girîngîya parastina ewlehî û aramîya Sûryayê û mafên gelê Kurd û hemû pêkhateyan hevnêrîn bûne.
Serokwezîrê Herêma Kurdistanê Mesrûr Barzanî Fermandarê Giştî yê HSD ê Mezlûm Ebdî qebûl kirîye.
Rewşa Sûryayê û pirsa kurda
Hukumeta Herêma Kurdistanê li ser civînê daxuyanîyek belav kirîye.
Di daxuyanîyê de hatîye diyarkirin ku di hevdîtinê de derbarê guherîn û pêşhatên dawî yên rewşa giştî ya Sûryayê û pirsa kurdan ya li wî welatî hatine guhartin.
Di beşeke din ya daxuyanîyê de hatîye destnîşankirin ku her du alî li ser girîngîya parastina ewlehî û aramîya Sûryayê û parastina mafên gelê kurd û hemû pêkhateyan hevnêrîn in.
Mezlûm Ebdî bi Nêçîrvan Barzanî re jî civîyaye
Ev civîn piştî wê yekê hatîye ku li serokatîya Herêma Kurdistanê serokê Herêma Kurdistanê Nêçîrvan Barzanî û Fermandarê Giştî yê HSD ê Mezlûm Ebdî civîyabûn.
Serokatîya Herêma Kurdistanê li ser wê civînê jî daxuyanîyek belav kiribû.
Li gorî daxuyanîyê, di civînê de rewşa Sûryayê û kurd û pêkhateyên li wî welatî hatine gotûbêjkirin.
Her wiha li ser bipêşketinên herêmê, girîngîya parastina aramîyê û rûbirûbûna metirsîyên têrorê bîr û ra bi hev hatin guhertin.
