Duyemîn kongreya konfêdêrasyona revenda Kurdistanî dest bi karên xwe kir. Sazî û navendên kurdî yên ji her çar parçeyên Kurdistanê beşdarî vê kongreyê dibin.
Kurdên dîyasporayê li bajarê Berlînê yê Almanyayê li hev civiyan. Dixwazin kar û bernameyên sê salên borî bixwînin û binirxînin, palana ji bo sê salên bê jî deynin.
Biryar e di kongreya konfêdêrasyona revenda Kurdistanî ya li Avropayê de, kesên nû ji bo post û komîteyan bên danîn û berdewamiyê bide kar û xebatên xwe.
Tevî ku heta niha hejmareke rast li ser hejmara kurdan li Avropayê tune ye, lê li gorî rêxistin û navendên kurdan, zêdeyî 3 milyon kurd li Avropayê dijîn.
