Ofîsa komîseriya bilind ya kar û barên Diyasporayê, leza vegerê tomar kirîye
Di 4 salên dawî de leza vegerê gelekî zêde bûye.
Serokê daîreya vegerandin û întêgrasîyonê ya ofîsa komîseriya bilind ya kar û barên dîyasporayê, Hovhannês Aleksanyan di civîna çapemeniyê ya li navenda çapemeniyê ya “Armenpress”ê de diyar kir ku di sala 2020 î de 7-8 hezar hemwelatî ji bo hemwelatîbûna Ermenîstanê serlêdan kirine, lê di dema dawî de ev hejmar ji 20 hezarî derbas bûye.
Yanî 3-4 qat zêdetir kes serî li hemwelatiya Ermenîstanê didin. Di nav wan de kesên ku cara yekeme hemwelatîbûna Ermenîstanê werdigirin hene û kesên ku berê hemwelatîbûna Ermenîstanê hebûn, di qonaxekê de red kiribûn û niha dîsa serlêdana welatîbûnê dikin. Hejmareke mezin ji mirovan xwedî hemwelatiya dualî ne. Hovhannês Alêksanyan wiha gotîye: “Ez dixwazim bibêjim ku lezbûna leza vegerê ji ber gelek faktoran e, di nav de geşedanên jeopolîtîk.
Li gorî pêşketinên jeopolîtîk û rewşa germ ya li herêmên cure-cure, derdikeve holê ku hemwelatiyên me yên ji wan herêman ji bo biçin Ermenîstanê zêde serlêdan dikin. Li gorî îstatîstîkan welatiyên ku bi mijara vegerê re eleqedar dibin û bernameyên întêgrasyonê derbas kirine ji 40 welatan tên. Îro Rûsya di rêza yekem de ye, berê jî welatên Rojhilata Navîn bû.
“Ez ê bi giştî welatên piştî Sovyêtê, ku di nav hevwelatiyên me de di mijara vegerê de eleqedariyek mezin heye, veqetînim”. Di wê çarçoveyê de ez ê behsa welatên Avropayê û Amerîkayê jî bikim. Ez dixwazim Australîyayê destnîşan bikim, ku ji wir pêvajoyeke vegerê ya çalak heye. Hovhannês Alêksanyan wiha gotîye: “Divê ez bibêjim ku ji Makêdonya, Serbîya û hin welatên Asyayê kesên ku hatine vegerandin hene.
Navenda hevgirtinê ya vegerandinê di gelek waran de bernameyên aktîv pêk tîne û kesên ku vedigerin jî tê de hene. Di sala 2024 a de 2800 kes ji bo piştgirî û şêwirdariyê serî li navenda întêgrasyonê ya vegerê dane. 980 kes beşdarî bername û çalakiyên ku tên lidarxistin bûn. Navend rojane şêwirdariyên xwe pêşkêş dike û kursên rahênanê li dar dixe da ku alîkariya destpêkirina karsaziyekê, peydakirina kar, wergirtina perwerdehiya zêde, û ji nû ve rahênanê bike. Dersên bêpere yên zimanê ermenî û kursên têknolojiyên înformasyonê tên lidarxistin.
Hovhannês Alêksanyan destnîşan kir ku hemwelatiyên me yên ku vegeriyane Ermenîstanê di gelek beşên xizmetguzarî, çandinî, têknolojiyên agahdariyê, înşaet, dîzayn, maliye, perwerdehî de cih digirin.
