Serokwezîrê Herêma Kurdistanê û nûnerê taybet yê serokê Amêrîkayê bo Sûryayê peywendîya bi têlefonî de, rewşa giştî ya Herêma Kurdistanê, Îraqê û navçeyê gotûbêj kirine û her du alîyan êrîşên li ser Kurdistanê û balyozxana Amêrîkayê şermezar kirine.
Serokwezîrê Herêma Kurdistanê Mesrûr Barzanî 14 ê adarê peywendîya têlefonî ji Tom Barak, nûnerê taybet yê Donald Tramp bo Sûryayê û balyozê Amêrîkayê li Tirkyayê wergirtîye.
Malpera Hukumeta Herêma Kurdistanê di daxuyanîyekê de dîyar kirîye, di peywendîya têlefonî de rewşa giştî ya Herêma Kurdistanê, Îraqê û navçeyê hatîye gotûbêjkirin.
Li gorî daxuyanîyê, her du alîyan êrîşên li ser Herêma Kurdistanê û balyozxana Amêrîkayê ya li Bexdayê şermezar kirine. Di heman demê de tekez kirine ku pêwîst e di peywendîyeke berdewam de bin.
