Şêwira leşkerî, ya Girê Sipî elam kirîye wekî hêzên wan îdî ji du meha zêdetire ku li ber agrêsîya tirka ber xwe didin. Nava van 7O rojên dawîda eskerê tirka û komên piştgirên wan, derba dighînine dor-berên Eyn Îsayê û rêya M4-ê. Heya niha ji 17O-yî zêdetir cîhwarên dor-berên Eyn Îsayê hatine derbgîhandinê, nava encamên kîjanada şeş binelîyên edil hatine kuştinê û 16 jî birîndar bûne. Fermandarê şêwira Girê Sipî, ya leşkerî Rîad Al Xelef elam kirîye wekî Tirkîya dîsa dicêribîne gundên nêzîkî rêya M4-ê bike bin kontrola xwe û bo wê yekê jî herroj bi artîlêrîyayê û rokêta derba dighîne dor-berên Eyn Îsayê. Ewî daye dîyarkirinê,wekî ew yek bona binelîyên sîvîl qezîya ye û zyana matêrîyalî dighînin dor- bera.
