Deynê Ermenîstanêyî der çi cûreyîye himberî welatên Yekîtîya Avrasîyayêye Êonomîkî
Deynê der ya giştî ya welatên endam yên Yekîtîya Avrasîyayêye Êkonomîkî ji 1 ê cotmeha sala 2025 a vir ve ji 2,5 trîlyon dolarî derbaz bûye.Derheqa wê yekêda agahdarîya komîsyona Yekîtîya Avrasîyayêye Êkonomîkî de tê gotin.
Deynên herî mezin li Rûsyayê berdewam dibin, piştî wê Qazaxistan û Bêlarûs tên.Qirqizistan û Ermenîstan xwedî deynên der yên herî kêm in, lê dînamîkên krêdîtê li van welatan bi awayekî berbiçev bilindtir in.
Deynên der yên welatên Yekîtîya Avrasîyayêye Êkonomîkî
Rûsya-308 mîlyard dolar,
Qazaxistan- 171 mîlyard dolar,
Bêlarûs-37 mîlyard dolar,
Ermenîstan-18 mîlyard dolar.
Qirqizistan 12,8 mîlyard dolar.
Pêkhateya deyn bi awayekî berbiçev diguhere.Li Ermenîstanê, Bêlarûsê û Qirqizistanê deynê hukumetên dewletan serdest e. Li Qazaxistanê, para sereke ji deynên veberhênana raste-rast pêk tê, di nav de deynên navbera şîrketan jî hene.Li Rûsyayê, beşeke girîng ya deynê der dikeve ser sêktorên din yên aborîyê, bi taybetî hevaltîyên mezin.
Dînamîkên demdirêj jî ne yekreng in. Ji sala 2010 î vir ve, deynê der yê Ermenîstanê 2,8 qat, yê Qirqizistanê 2,6 qat, yê Bêlarûsê 1,3 qat û yê Qazaxistanê 1,4 qat zêde bûye. Berevajî vê, Rûsya ji sala 2014 a vir ve bi berdewamî deynê xwe yê der kêm dike û ji 1 ê cotmeha sala 2025 a vir ve ew 63,1 selefê asta 2010 a ne.
Ji alîyê îstîqirara darayî ve, nîşaneya sereke asta deynê der yê ku bi rêzêrvên navneteweyî ve tê ewlekirin dimîne.Li vir Rûsya derdikeve pêş, ku qebareya rêzêrvan ji deynê der du qat zêdetire. Li welatên din yên Yekîtîya Avrasîyayêye Êkonomîkî, ev nîşan bi girîngî kêmtir e, ji 24,1 selef li Ermenîstanê heta 58,3 selef li Qirqizistanê diguhere.
