Xwestina Ermenîstanê ewe, ku şer’k’arîya dijî r’uşetxwerinê bike û nava vê pirsêda ew li ser t’abîya xweye. Derheqa wê yekêda wextê civîna şêwira sîyasîya dijî r’uşetxwerinê, Nîkol P’aşînyanê serekwezîr gotîye û daye dîyarkirinê,wekî niha zyana ku r’ûê r’uşetxwerinêda gihîştîye dewletê û dereca dasekinandina wê ji fikira pêşda nimiztire. “Lêpirsîna xirabk’arîyên r’uşetxwerinê û dasekinandina zyana dewletê bi wî cûr’eyî pêşda naçe, çawa ku civak hîvîya wê yekêye”,-P’aşînyan gotîye. “Em gerekê vî alîda guhdarbin, bona ku şer’k’arîya dijî r’uşetxwerinê bi sazkirina sîstêmên nûva qewîkin”,-serekwezîr gotîye û serda zêde kirîye,wekî wî alîda xebata mezin hatîye kirinê, bi t’aybetî ew yek wekî h’ukumatê ew r’îya nava stratêgîya dijî r’uşetxwerinê dîtîye.
