Fermandarê hêzên Sûrîya Dêmokratîk Me’zlûm K’obanî t’eglîfî Kanadayê kirine ku r’ewa bi navê “Şer’k’arê r’ast” bidine wî. Vê r’ewayê hersal didine wî merivî, yê ku nava şer’ada e’mirê xwe p’êşk’êşî merivatîyê dike.Pêşîya vê yekê serokê T’irk’îyaê Êrdog’an Me’zlûm K’obanî çawa “têr’orîst” nav kiribû û berbir’î ŞAY bibû: “Têr’orîstê bin navê K’obanîda ji alîyê întêrpolêda tê ger’înê. ŞAY gerekê wî t’eslîmî T’irk’îyayêkin”. Feqet serokê ŞAY Donald T’ramp fikireke başqe derheqa fermandarê hêzên Sûrîya Dêmokratîkda e’lam kirîye û gotîye: “Bona wan xeberên weye baş û mêrxasîyê, ez r’azalixîyê e’lamî we dikim, gênêral Me’zlûm. Hîvî dikim, ji navê min derheqa qedirgirtina hindava gelê k’urdda e’lamkin.Ez bêsebir hîvîya r’asthatina t’evî weme”. Me’zlûm K’obanî jî cabeke vî cûr’eyî daye: “Em r’azalixîyê e’lamî T’rampê serok dikin, bona wê yekê, ku ew ce’dandinên xwe dide xebatê, bona ku êrîşa T’irk’îyaê û cîhadîstaye li ser gelê me bide sekinandinê”.
