Nava r’aporta bi sernavê “Îndêk’sa dêmokratîyaê–2O19”-da Ermenîstanê cîyê 86-a girtîye

Êkonomîst grûpa brîtantîye lêk’olînîyê û şêwirdarîyê r’aporta “Îndêk’sa dêmokratîyaê-2O19”-e belav kirîye, k’îjanêda navê 165 welata û du herêma hene, nava k’îjanadaye usa jî Ermenîstan.Ev r’aport h’alê dêmokratîyaêyî li welatên dinîyaêye cuda-cuda r’aber dike.Wextê hazirkirina vê dokûmêntê xudanê dokûmêntê pênc faktor h’esab hildane: şuxulk’arîya hilbijartina û plyûralîzm, azayên sîvîl, xebata h’ukumatê, t’evbûna t’evî jîyana sîyasî û kûltûra sîyasî.Xêncî wê yekê p’êşekzana çar cûr’ên r’êjîmê cuda kirine:dêmokratîya t’am, dêmokratîya bi kêmasîya, r’êjîma hîbrîdî û r’êjîma avtorîtar. Ermenîstan k’etîye nava cêrga welatên r’êjîma hîbrîdî û himberî sala 2O18-a ew ji cîyê 1O3-a gihîştîye cîyê 86-a.Gurcistana cînar cîyê 89-ye, T’irk’îya cîyê 11O-ye, Adirbêcan cîyê 146-ye û k’etîye nava cêrga welatên r’êjîma avtorîtar. R’ûsîya û Îran jî k’etine nava cêrga  welatên bi r’êjîma avtorîtar.R’ûsîya cîyê 134-ye, lê Îran cîyê 151-da. Cîyê e’wlinda Norvêgîyaye, peyî k’îjanîr’a Îslandîya, Şvêdîya, Zêlandîya Nû, Fînlandîya tên. Dawîya navnîşê welatên Çadê, Sûrîya, K’omara  Afrîkayê, K’omara Kongoyê û Korêya Bakûrin.