Vladîmîr Pûtîn, girêdayî 3O salîya serbestîya Ermenîstanêra, serokatîya Ermenîstanê pîroz kirîye

Serokê Rûsîyayê Vladîmîr Pûtîn têlêgirama pîrozbahîyê serokkomarê Ermenîstanê Armên Sargsyan û serokwezîr Nîkol Paşînyara, girêdayî 3O salîya serbestîya Ermenîstanêra, şandîye. Derheqa wê yekêda qulixdarîya Krêmlêye prêssayê ragîhandîye.

Serokê dewleta Rûsîyayê daye dîyarkirinê, wekî di navbera herdu welatada nava govekên cudada hevkarîya six îzbat bûye. Gilî usa jî derheqa hevkarîya nava Yekîtîya Avrasîyayêye Êkonomîkî, Organîzeya  Peymana Bêqezîyabûna  Kolêktîv û Hevalbendîya Welatên Serbestdane.

“Heleqetîyên tevî Ermenîstanê li ser tradîsîyayên dostîyê, çandî û ruhanî hatine hîmdanînê. Pêşkeftina wan, ya bi ruhdarîya yekîtîyê, anegorî berjewandîyên cimetên meye birane”,-serokê Rûsîyayê daye dîyarkirinê.