Li Yêrêvanê civîna ermenîya-rûsaye bîznêsê derbaz bûye, bona derbazkirina kîjanê pevketina 22-ê kanûna sala 2O21-ê hatibû destanînê.
Bi ragîhandina Armênprêssê, tevî civînê bûne cîgirê wezîrê Ermenîstanêyî êkonomîkayê Narêk Têryan, wekîla Rûsîyayêye kirîn-frotanêye li Ermenîstnê Anna Donçênko û wekîlên sêktora şexsî, bîznêsmên.
Cîgirê wezîr Narêk Têryan hazir slav kirine û daye dîyarkirinê, wekî hevkarîya êkonomîkîye di navbera Ermenîstanê û Rûsîyayêda bi saya endamtîya nava Yektîya Avrasîyayêye êkonomîkîda jî qewata nû distîne. «Sala 2O19-a zivira eşîyaye di navbera herdu welatada ji dö mîlîyard dolara derbaztir bûye, lê sala 2O21-ê ew gihîştîye 2,6 mîlîyard dolarî»,- ewî gotîye.
Wekîla Rûsîyayêye kirîn- frotanêye li Ermenîstanê, Anna Donçênkoyê nava axaftina xweda daye dîyarkirinê, wekî hevkarîya di navbera Rûsîyayê û Ermenîstanêda gihîştîye dereca diha bilind û hevkarîya baş nava govekên ênêrgêtîkayê, transportê, senayê, bernamên învêstîsîyon û usa jî nava goveka radîoêlêktronîkayê û têknolocîyên bilindda gihîştîye asteke bilind.
Piştî civînê hevdîtinên bîznêsmênên ermenî û rûs derbaz bûne.
