Ermenîstan hevkara Şêwira Avropayêye qewîn û amine: Vahagin Xaçatûryan dêlêgasîya bi serkarîya seroka komîsîya Vênêtîkê qebûl kirîye

Serokkomarê Ermenîstanê Vahagin Xaçatûryan dêlêgasîya bi serkarîya seroka komîsîya Vênêtîkê Klêr Malorîyê qebûl kirîye.

Ji admînîstrasîya serokkormar ragîhandine, wekî Vahagin Xaçatûryan daye dîyarkirinê, ku Şêwira Avropayê bona Ermenîstanê cudaye, çimkî piştî serbestbûnê hetanî niha hevkarîya tevî  Şêwira Avropayê six bûye û ew hevkareke Ermenîstanêye girînge.

Serokkomar bi razîbûn daye dîyarkirnê, wekî  Şêwira Avropayê û komîsîya Vênêtîkê piştgirîyê didine werguhastinên li Ermenîstanê û rojeva qewînkirina dêmokrasîyê, ya ku bona parastina mafên mêriv, şerkarîya dijî ruşetxwerinê, usa jî çareserkirina xebata kardar û serbestîya sîstêma mehkemêye.

Seroka komîsîya Vênêtîkê sirîya xweda daye dîyarkirirnê wekî Ermenîstan hevkara Şêwira Avropayêye qewîn û amine.