Li akadêmîya Ermenîsanê ya zanistîyê dêlêgasîya bi serokatîya wezîrê Kurdistana Îraqêyî rewşanbîrî hatîye qebûlkirinê

Li akadêmîya Ermenîsanê ya zanistîyê dêlêgasîya bi serokatîya wezîrê Kurdistana Îraqêyî rewşanbîrî  Mehmed Sehîd Elî, hatîye qebûlkirinê. Çawa ku hatîye ragîhandinê, wextê hevdîtinê usa jî konsûlê Ermenîstanêyî li Hewlêrê Arşak Manûkyan, endamên serokatîya akadêmîyayê, xebatkarên înstîtûtên akadêmîyayê ya rojhilatzanîyê û çandê amade bûne.

Serokê înstîtûya rojhilatzanîyê, ya akadêmîya Ermenîstanê ya zanistîyê Robêrt Gazaryan  dîroka pêwandîyên ermeîya-kurda, encamên xebatên lêkolînî, yên nava pêşxistina kurdzanîyêda raber kirine.

Seroka înstîtûta pêşezanîyê, profêsor Anna Asatryanê derheqa tevgirêdanên ermenîya-kurdaye çandî da xeberdaye. Ewê derheqa hevkarîya Komîtasê kompozîtor, ya tevî hazirkirina stiranên miletîyê, raber kirîye. Ewê kitêbên derheqa stiranên miletîyê da, yên girêdayî xebatên Komîtasva pêşkêşî wezîr kirine. Piştî wê yekê mêvana guhdarîya stiraneke kurdî kirine.

Wezîrê Kurdistana Îraqêyî rewşanbîrî Mehmed Sehîd Elî bona qebûlkirina germ sipasî elam kirîye. Ewî sîyaseta hukumata Kurdistana Îraqê ya nava goveka kûltûrayêda raber kirîye û qewînbûna tevgirêdanên ermenîya-kurda yên çandî- kûltûrî girîng hesab kirîye.

Sirîya xweda konsûlê Ermenîstanêyî sereke Arşak Manûkyan derheqa wan xebatada daye dîyarkirinê, yên ku bi piştgirîya konsûlxanê nava govekên çandî û zanistîda tên mîyaserkirinê.