Ararat Mîrzoyan wextê axaftina tevî wezîra Fransîyayêye karên der derheqa pêwîstîya paşdavegerandina dîlên ermenîye leşkerîda daye dîyarkirinê

Wezîrê Ermenîstanêyî karên der Ararat Mîrzoyan bi têlefonê  tevî wezîra Fransîyayêye karên der Katrîn Kolonnayê qise kirîye.

Mîrzoyanê wezîr girêdayî wefatbûna merivara, yên ku 18 ê tebaxê rûyê bagerêda wefat bûne, serxweşî daye alîyê  fransî. Kolonna wezîr jî  sirîya xweda serxweşî daye alîyê ermenî bona teqîna li merkeza bazirganîyêye «Surmelû» yê, rûyê çida meriv hatine kuştinê û birîndarara jî qencbûna lez xwestîye.

Ararat Mîrzoyan û Katrîn Kolonnayê razîbûna xwe bona pêwandîyên ermenî-fransî dane dîyarkirinê.Hatîye gotinê, wekî pêwîste ku bona hevkarîya kardar hevkarîyê bidine kûrkirinê û projeyên konkrêt mîyaserkin.

Wextê qisa bi têlefonê xeberdan usa jî derheqa pirsên qewînbûna herêmîda jî çûye.

Mîrzoyanê wezîr nêzîkbûnên alîyê ermenî, yên derheqa aşîtîya li herêmê û normalkirina pêwandîyên Ermenîstanê û Adirbêcanê raber kirîye.

Bi xeberdana derheqa şerê 44 rojeda, wezîrê ermenî usa jî derheqa  pêwîstîya paşdavegerandina dîlên ermenî û usa jî merivên sîvîlda xeberdaye.