Sêkrêtarê  NATO-ê yê sereke bo bûyerên li ser sînorê  ermenîya-azêrîya xemgîne

Serokwezîr Nîkol Paşînyan li Nyû Yorkê, di çarçoveya civîna 77-a , ya Neteweyên Yekbûyî da bi  sêkrêtarê  NATO-ê yê sereke Yêns Stoltênbêrg ra hevdîtinek pêk anî.

Serokwezîr  derheqa  êrîşa berfireh ya 13 ê îlonêye  ji alîyê Adirbêcanêda pêkanî, ya li ser axa  Ermenîstanêye  serbixwe, raber kirîye û daye kifşê ku 36 navçe ji alîyê hêzên Adirbêcanêda hatine hedefkirinê,  nava encamên kîjanêda  birîndar  û kuştî hene.

Nîkol Paşînyan bal kişandîye ser girîngîya bersivdayîna civaka navneteweyî ya bo şermezarkirina kiryarên Adirbêcanê, vekişandina lez ya hêzên Adirbêcanêye ji axa Komara Ermenîstanê.

Sêkrêtarê NATO-ê yê sereke dîyar kirîye ku ew ji ber bûyarên ku li ser sînorê ermenîya-azêrîya qewimîne, gelekî xemgîne.Yêns Stoltênbêrg tekezî li ser çareserkirina pirsgirêkên navçeyî bi danûstandinan kir û gotîye hewlên berdewam di wî warî da bi piştovanîya hevkarên navdewletî jî heye.
Wextê hevdîtinê fikirên bona herdu alîya hewaskar hatine pevguhartinê.