Dêlêgasîyayên derecebilind, yên partîya Kurdistanêye Dêmokratîk û Yekîtîya Niştîmanên Kurdistanê beşdarî hevdîtinê bûne bona ku pirsgirêkên dualî helkin.Ev gava avîtî ji alîyê Ştatên Amêrîkayêye Yekbûyî û Brîtanîya Mezinda hatîye silavkirinê.
Ev herdu partîyayên Kurdistana Îraqê li bajarê Silêmanîyê rastî hevdu hatine û piştî hevdîtinê bi elametîyêva pêşda hatine û gotine wekî girêdayî cêrge pirsara fikir hatine pevguhartinê bona ku germahî bikeve nava pêwandîyên dualî.
Wextê hevdîtinê halê sîyasî, yê li Kurdistanê û pirsên cuda hatine gotûbêjkirinê.Alî pevketine ku zûtirekê hevdîtineke wî cûreyî jî pêk bînin.
Konsûlxana Ştatên Amêrîkayêye Yekbûyî û usa jî ya Brîtanîya Mezin hevdîtina pêkhatî bi germahî silav kirine û ew yek çawa gaveke girîng bona helkirina pirsgirêkên di navxweyîda hesab kirine.