Nava sê-çar salada wê zêlalbe ku bi têknolocîyên çi cûreyî wê stansîya Ermenîstanêye atomî bê çêkirinê: cîgirê wezîr

Li gorî bernama ênêrgêtîkîye hetanî sala 2040 î hatîye dîyarkirinê, wekî  xebata bloka stansîya Ermenîstanêye atomî ya duemîn wê dîsa bi deh salava bê dirêjkirinê. Derheqa wê yekêda cîgirê wezîrê serkarîkirina têrîtorîya û sîstêma Hakob Vardanyan gotîye.

Bi gotina wî, îdî lêkolîn hatine kirinê û hatîye dîyarkirinê, wekî qîmetkirina çêkirina bloka nû dikeve nava çarçoveya 150 mîlyon dolarî. Bi gotina cîgirê wezîr, hevkarî tevî welatên cuda-cuda tê mîyaserkirinê û hatîye dîyarkirinê, wekî piranîya wan xebata wê ji alîyê kompanîya rûsîye “Rosatomê” da bê mîyaserkirinê. Xebatên bona dirêjkirina wedê xebata stansîya atomî gerekê hetanî sala 2026 a ser hevda bên. Stansîya atomî wê dîsa deh sala bixebite, lê nava sê-çar salên pêşîyêda xebatên girêdayî peymanara jî wê ser hevda bên.Wî çaxî wê  îdî zelalbe ku bi têknolocîyên çi cûreyî stansîya atomî wê bê çêkirinê.