Komara  Ermenîstanê hewaskare ku pêwandîyên tevî Brîtanîya Mezin bide pêşxistinê: Alên Sîmonyan

Dêlêgasîya bi serkarîya serokê parlamênta Ermenîstanê Alên Sîmonyan bi seredana sêrojêva çûye Brîtanîya Mezin. Nava çarçoveya seredanêda dêlêgasîya Ermenîstanê ji alîyê serokê palata Lorda Lîndsî Hoylda hatîye qebûlkirinê.

Serokê parlamênta Ermenîstanê bona vexwendinê razalixî elam kirîye û daye dîyarkirinê, wekî Ermenîstan hewaskare li ser bingeha qewîn pêwandîyên tevî Brîtanîya Mezin bide pêşxistinê û usa jî hêvîdare, wekî Brîtanîyayê jî wê gavê biavêje.

Serokê parlamênta Ermenîstanê bi hêvîdarî gotîye, wekî zûtirekê qayîlîya dokûmênta di navbera herdu alîyada wê amadebe û ewê zûtirekê bê îmzekirinê.

Dawîya hevdîtinê, serokê parlamênta Ermenîstanê hevkarên xweyî brîtanî vexwendî Ermenîstanê kirîye.