H’emû nûçeSereke

Gêvorg Papoyan çawa wezîrê Ermenîstanêyî êkonomîkayê hatîye kifşkirinê

Gêvorg Papoyan  çawa wezîrê Ermenîstanêyî êkonomîkayê hatîye kifşkirinê. Li gorî “Armênpress”ê, derheqa wê yekêda di biryarnameya îmzekirî de, ya serokkomarê Ermenîstanê hatîye kifşkirinê.

 “Bi pêşnîyara serokwezîr, li gor madeya 131 a destûrê û herwiha madeya 5 a ya beşa yekem ya yasaya pêkhate û karên hukumetê, Gêvorg Papoyan wek wezîrê êkonomîkayê  hatîye kifşkirinê”.

14 ê sibatê  bi biryarnameya serokkomarê Ermenîstanê Vahagin Xaçatûryan, Vahan Kêrobyan ji qulixa wezîrê êkonomîkayê hatibû azakirinê. Berîya biryarnameyê, Vahan Kêrobyan li ser rûpela xwe ya facebookê ji bo derketina xwe ragihandibû.

Parlamenterê fraksîyona “Peymana sîvîl” ya miclisa neteweyî di 26 ê sibatê de Gêvorg Papoyan ragîhandibû ku ew ê dest ji erka xwe ya parlamenterîyê berde.

Zêdetir nîşan bide
Back to top button