SerekeSîyasî

Romanovskî: me tekez li ser çarekirina arêşeyan û birêveçûna hilbijartinan di nêzîktirîn dem de kir

Balyoza Amêrîkayêye li Îraqê Alîna Romanovskî  li ser tora civakî ya X ê nivîsîye: “Bi serok Barzanî, serokê Herêma Kurdistanê Nêçîrvan Barzanî û serokwezîrê Herêma Kurdistanê Mesrûr Barzanî re, me danûstandin li ser hilbijartinên parlamana Kurdistanê di berjewendîya Herêma kurdistanê û welatîyên wê de kir”.

Balyoza Amêrîkayê li Îraqê herwesa gotîye: “Pêxemetî birêveçûna piroseya hilbijartinan bi awayekî paqij û şefaf di nêzîktirîn dem de, min PDK pal da ku bi tevaya partîyên sîyasî yên Herêma Kurdistanê û Bexdayê re kar bike”.

Pêştir endamê mekteba sîyasî ya PDK yê û berpirsê mekteba rêxistinê ya PDK ê ya Dihokê Serbest Lezgîn jî ji K24 ê re ragehandibû: “Helwesta PDK  ê nehatîye guhertin û em tekezê li ser dawî ragehandina mekteba sîyasî ya partîya xwe dikin û em bi vî awayê niha tevlî hilbijartinên parlamana Kurdistanê nabin”.

Herwesa berpirsê lîqa çara ya PDK ê Arî Hersîn jî îro ragîhand: “Ew hilbijartinên ku biryar bên kirin pêştir di qazanca alîyekî derve de hatine dîzaynkirin û pilankirin”. Serokê Herêma Kurdistanê Nêçîrvan Barzanî di merasîmekê de wekî jivanê birêveçûna hilbijartinên gera şeşê ya parlêmana Kurdistanê dîyar kir.

Zêdetir nîşan bide
Back to top button